За време на неделата на модата во Милано, дизајнерите на „Форд“ го покажаа својот нов компактен моноволумнец „Б-Макс“, чија премиера на производната верзија е наредниот месец на саемот за автомобили во Женева, во бои инспирирани од светот на модата и напредните технолошки уреди.
Така, боите за „Б-Макс“ се „Брнишед глоу“ (Burnished Glow), „Тектоник силвер“ (Tectonic Silver) и „Наутик блу“ (Nautical Blue), во луксузен стил што го предводи модната куќа „Гучи“, односно „Версаче“ и „Миу Миу“. Сериф Селеби, дизајнерката во „Форд Европа“ задолжена за боите и дизајните, вели дека е презадоволна од новиот колоритет што го лансира „Форд“.
Таа и нејзиниот тим ги следат модните трендови за боите на материјалите и дизајните, напоменувајќи дека тие не можат како модните креатори на секои шест месеци да лансираат нови палети на бои. Па затоа нивниот избор мора да е поконцизен и посуптилен, за нивните креации да останат во чекор со модата и стилот што ќе следи и во наредните години.
Повеќе вести од денес
тука.